Bali Classic Center Papan Wisata Budaya Ingkang Sae (Feature)

Panjenengan badhe dhateng Bali? Panjenengan bingung badhe dhateng wonten ing obyek wisata pundi kemawon? Botensah bingung, panjenengan saged dhateng wonten ing Bali Classic Center (BCC) kagem mriksani pawiyatan kasenian saha miniatur Pulau Bali ugi sedaya bab Pulau Bali  lan masyarakatipun.

BCC menika karintis dening Pande Ketut Krisna dipunbikak ing taun 2005. BCC menika wiyar sanget, kinten-kinten gangsal hektar. Papaning BCC menika wonten ing  Banjar Nyuhkuning, perkampungan seniman Ubud, Kabupaten Gianyar. BCC wonten kanthi ancas supados manggihaken ugi ajang promosi budayanipun Bali dhateng masyarakat wonten ing Indonesia saha masyarakat ing donya. 

Saderengipun mlebet ing BCC, para rawuh dipunsambut kaliyan tarian selamat datang. Para rawuh dipunkancani mlebet kanthi iring-iringan orkes tradhisional Bali. Saksampunipun mlebet para rawuh lenggah wonten ing kursi kangge mriksani pawiyatan tarian Bali ingkang mawarni-warni, kadosta tarian ingkang mbeta asil saking sawah, kadosta pantun. Pantun menika dipunbeta mawi tenggok wonten ing nginggiling mustaka.

Wonten ing BCC kita ugi saged mriksani pagesangan lan kabudayan masyarakat ing Bali. Menawi panjenengan kepengen nyobi nindakaken pagesangan lan kabudayan kasebat, panjenengan saged kemawon nyobi, tuladhanipun nyobi dolanan gamelan, ndamel sajen, numbuk pantun mawi luwu saha lesung, ngolah minyak klapa, masak ngagem alat masak ingkang taksih tradisional.

Ngendika bab sesaji, menapa ta isining sajen menika? Isining sajen inggih menika sekar mawar, janur, sirih (dipunisi kapur sarta pinang) , pandan-arum, lan asil alam sanesipun ingkang nggadhahi teges simbolik. Ujungan nglambangaken tenanging penggalih, sirih nglambangaken dewa wisnu, kapur nglambangaken dewa siwa, pinang nglambangaken dewa brahma, saha wangi-wangian minangka piranti kangge ngayemaken pikiran.

Tari Barong Bangkal menika dipuntampilaken wonten ing papan khusus kadosta ing sakiwa-tengenipun papan kangge nampilaken pagesangan lan kabudayan masyarakat Bali menika. Tari Barong Bangkal dipuniringi mawi gamelan batel utawi tetamburan.Para rawuh saged foto kaliyan barong kasebat. Para rawuh ingkang badhe foto, biasanipun maringi arta ing salebeting tutukipun Barong. 

   
Sanesipun Tari Barong Bangkal wonten malih Tari Barong Macan ingkang dipuntampilaken ing panggung pawiyatan. Barong Macan menika wujudipun kadosta macan. Tari Barong Macan dipuniringi kaliyan gamelan batel.

Tari ingkang salajengipun inggih menika Tari Pergaulan. Wonten Tari Pergaulan para rawuh menika wonten ingkang dipunajak nari sareng. Para rawuh ingkang dipunajak kedah purun majeng, nari sareng kaliyan penarinipun.

BCC biasanipun mbikak kunjungan kangge study tour siswa saha mahasiswa. BCC menika saged dados papan kangge nyinauni bab pagesangan lan budaya masyarakat Bali.

           

           

Kulon Progo Expo 2013 Resmi Dipunbikak (Straight News)

Gambar dipunpendhet saking: http://www.kulonprogokab.go.id/

KULON PROGO - Wakil Bupati Kulon Progo, Sutejo resmi bikak Kulon Progo Expo wonten ing ngajeng Kantor Pemkab Kulon Progo dinten Jumat (27/10/13). Tahun-tahun kapengker Kulon Progo Expo langkung misuwur kanthi nama Manunggal Fair.

Kulon Progo Expo  dipunwontenaken ing Alun-alun Wates lan kalaksanan dumugi dinten Minggu (6/10/13) kanthi tema ‘Prestasi Kulon Progo untuk Indonesia’ sarta nggelorakaken semangat Gerakan Gotong Royong Rakyat Bersatu (Gentong Rembes). Kulon Progo Expo wonten ing taun menika dipunwontenaken dening PD Aneka Usaha.

Pameran menika minangka ajang potensi daerah. Panitia ngawontenaken  kirang langkung 24 stand ingkang utami, 138 stand saking kelas bisnis, 38 stand Kelas Ekonomi saha 57 stand SKPD.

Kulon Progo Expo 2013 kanthi Tema ‘Kulon Progo untuk Indonesia’ (News Feature)

Gambar dipunpendhet saking: http://www.kulonprogokab.go.id/

          Pemerintah Kabupaten Kulon Progo ngawontenaken pameran malih kanthi nama ‘Kulon Progo Expo’, ingkang ing taun-taun saderengipun nggadhahi nama ‘Manunggal Fair’. Nama Manunggal Fair dipungantos dados Kulon Progo Expo supados nyesuekaken kaliyan jaman ingkang sampun majeng menika. Kulon Progo expo resmi dipunbikak dening wakil bupati Kulon Progo, Sutejo wonten ing ngajeng Kantor Pemkab Kulon Progo dinten Jumat tanggal 27 September 2013 kapengker. Pambukaning Kulon Progo Expo menika dipuntandhani kanthi nabuh gong. Saksampunipun pambuka wonten tari ‘Manggala’ ingkang nggambaraken ksatria ingkang mbela tiyang alit supados saged gesang kanthi ayom, ayem, tentrem.

        Kulon Progo Expo menika badhe dipunwontenaken dumugi tanggal 6 Oktober 2013 kanthi tema ‘Kulon Progo untuk Indonesia’ sarta nggelorakaken semangat Gerakan Gotong Royong Rakyat Bersatu (Gentong Rembes) wonten ing Alun-Alun Wates. Kulon Progo Expo dipunwontenaken dening Perumda Aneka Usaha kanthi upiya supados masyarakat menika bungah, mila saben ndalu wonten hiburan sarta kembang api, kadosta sabtu ndalu kalawingi wonten pentas Orkes Melayu Om Egatama kanthi penyanyi-penyanyi lokal kadosta Eni Rosita, Selly, Rindy Antika, Yani Santika lan Eni Altalia. Lagu-lagu ingkang dipubetakaken inggih menka lagi ingkang sampun misuwur, kadosta Wedi Karo Bojomu saha Oplosan. Hiburan sanesipun ingkang bakal kalaksanan inggih menika kesenian tradisional kadosta koes plus-an, kesenian angguk, kubro siswa, lan campursari.